Kanë dalë pamjet e para të drekës të shumëpërfolur të Saimir Tahirit me drejtuesit policisë. Ai drekoi sot me 15 drejtues të policisë në qarqe të ndryshme të vendit.
Në drekën me ta, që mund të cilësohet si dreka e fundit e tij si Ministër i Punëve të Brendshme, Saimir Tahiri shfaqet gjithë kohës me telefon në dorë, duke komunikuar dhe në momentin e shkrepjes së fotos shfaqet i pavëmendshëm.
Dreka e tij me drejtuesit e policisë në vend zgjati rreth një orë. Në të, ndër të tjerë ishin të pranishëm Drejtori i Policisë së Shtetit, Haki Çako dhe ai i Tiranës, Ervin Hodaj. Ai doli për drekë menjëherë pas takimit të zhvilluar me kryeministrin Edi Rama.
(XH.A/SHUPLAKA)
