Ministri për Europën dhe Punët e Jashtme Ditmir Bushati, gjatë vizitës së tij në New York, ka folur për perspektivën e Shqipërisë dhe të rajonit për integrimin në BE, por edhe për marrëdhënien e vendit tonë me shtetin fqinj Greqinë.
“Në 4 vitet që shkuan janë bërë disa hapa, politika e hapave të vegjël që do i shërbente marrëdhënieve, janë bërë hapa konkretë përpara si për marrëveshjen për toponimet apo çështje të tjera të ndjeshme për qytetarët tanë. Kemi ngritur një mekanizëm komunikimi në nivel zv.ministrash. Kemi arritur në një moment përcaktues, ku bashkë me homologun Kotzias do të ulemi në një tavolinë ekspertësh për të trajtuar ato çështje që meritojnë zgjidhje gjithmonë të bazuar në të drejtën ndërkombëtare. Nga dreka e djeshme që pata me Kotzias ka një disponibilitet edhe nga ana e Greqisë për t’u përfshirë në këtë proces.
Konstatoj se ka një disponibilitet edhe nga ana e Greqisë për t’u përfshirë në këtë proces. Nuk besoj se është në interesin e Greqisë për të vendosur kryqëzime ndaj perspektivës europiane të Shqipërisë. Ne jemi të interesuar për një marrëdhënie që respekton frymën europiane për të dy palët. Kemi rënë dakord për një marrëveshje me synim për të përshpejtuar zgjidhjen për një pjesë të problematikave që e mbajnë ende larg Greqinë dhe Shqipërinë.
Ballkani Perëndimor është në një situatë më të stabilizuar por është përballë sfidave edhe më të mëdha.
Bashkëpunimi rajonal dhe hapat e marra në këtë drejtim janë me rëndësi të veçantë. Edhe fjalimi i fundit I presidentit të Komisionit Europian Juncer është nnjë reflektim i programit të tij, ku zgjedhimi i Europës në ballkanin perëndimor është një strategji.
E para duhet ta pranojmë që Shqipëria është një ndër vendet kyçe në hapësirën e Ballkanit perëndimor, për shkak të pjesëmarrjes tonë në NATO, daljes në detin Mesdhe, dhe është orientuese për gjithë rajonin tonë për perspektivën e Ballkanit Perëndimor në Bashkimin Europian.
Ende ka barriera që i pengojnë vendet e rajonit për të çliruar ato energji pozitive që do duhej të çlironin. (D.D/Shuplaka)
Discussion about this post