Ministri i Brendshëm Dritan Demiraj ka fituar gjyqin për t’u rikthyer në detyrë në Forcat e Armatosura. Demiraj është shprehur se e priste këtë vendim. Demiraj ka fituar të drejtën për t’u kthyer në postin e kolonelit. Vendimi për të është dhënë nga gjykata administrative e Apelit në Tiranë.
Sjellim në vëmendje që Demiraj u shkarkua nga detyra në vitin 2014 nga ministrja e Mbrojtjes Mimi Kodheli. Kodheli firmosi shkarkimin nga detyra të kolonel Dritan Demiraj, i cili mbante detyrën e Komandantit të Forcave Speciale të Ushtrisë.
Ai ka deklaruar se u shkarkua nga detyra pa asnjë arsye ligjore duke theksuar se i gjithë procesi është kreyer në shkelje të plotë të ligjit.
Theksojmë që Demiraj ka një karrierë të gjatë prej 31 vitesh në ushtri dhe ka spikatur në aktivitetin e tij si trajnues i misioneve “Eagle” (nga 1-7), pedagog, autor i shumë librave, manualeve e kumtesave deri në kategorinë akademike të kërkimit shkencor. Madje ka marrë edhe dekoratën “Nderi i Kombit”. (J.V/Shuplaka)
Discussion about this post