Dritan Demiraj pret në zyrë Bernd Borchardt, për çfarë biseduan

Ministri i Punëve të Brendshme Dritan Demiraj ka pritur sot në një takim kreun e Prezencës së OSBE-së në Shqipëri, Bernd Borchardt.

Në një njoftim të ministrisë së Punëve të Brendshme thuhet se Demiraj dhe Borchardt kanë biseduar rreth plotësimit të standardeve të larta në procesin zgjedhor.

“Ministri Demiraj falënderoi Prezencën e OSBE-së në Tiranë për trajnimin e Policisë së Shtetit për t’i ndërgjegjësuar ata për rolin e tyre në zgjedhje.

Ambasadori Borchardt informoi ministrin Demiraj për angazhimin e plotë të Prezencës së OSBE-së në Tiranë për monitorimin e zgjedhjeve dhe veçanërisht të aspekteve të financimit të fushatës zgjedhore.

Nga ana e tij, Ministri i Brendshëm Demiraj u përqendrua tek prioriteti i tij i parë, garantimin e një procesi zgjedhor të qetë, mos përfshirjen e Policisë në proces, si dhe neutralizimin e mundësisë së blerjes së votës nga burime te paqarta.”, thuhet në njoftimin e ministrisë.

Ministri Demiraj gjatë kësaj bisede me kreun e Prezencës së OSBE-së, theksoi mbi të gjitha se axhenda e ministrisë së drejtuar nga ai dhe e Policisë së Shtetit është lufta pa kompromis kundër kultivimit dhe trafikimit të lëndëve narkotike. (D.D/Shuplaka)