Dritan Kaba-Ruçit: Do firmosësh librezën e pensionit se mandatin e deputetit as me dylbi nuk e sheh dot

Dritan Kaba i është kundërpërgjigjur  Gramoz Ruçit përsa i përket shkarkimit të presidentit të ardhshëm, Ilir Metës. 

Sipas Kabës Gramoz “Ruçi do të firmos vetëm librezën e pensionit se mandatin e deputetit as me dylbi nuk e sheh dot”. 

“Ruçi do firmos shkarkimin e presidentit?! Do firmos librezën e pensionit se mandatin e deputetit as me dylbi nuk e sheh dot”, shprehet Dritan Kaba.

Sjellim në vëmendje që një ditë më parë Gramoz Ruçi ka deklaruar se nëse Ilir Meta si president shkel Kushtetutën duke mos dekretuar qeverinë e re, do të shkarkohet nga ky post. 

“Çfarë faji i kanë socialistët Ilir Metës. PS e mori Metën 22 vjeç dhe e bëri deputet. PS e mori pa librezë pune. Pa mbushur 30 vjeç e bëmë kryeministër. Nëse Ilir Meta si president shkel Kushtetutën duke mos dekretuar qeverinë e re, do të shkarkohet nga ky post.  Partia Socialiste i ka dhënë gjithçka Metës, por njeri nuk e bëmë dot”, u shpreh Ruçi. (J.V/Shuplaka)