I komentuar ditët e fundit për prishjen e një objekti 13-katësh në Vlorë, Dritan Leli, ka dhënë një reagim të përgjithshëm gjatë inspektimit të asfaltimit të rrugës pranë nënkalimit të Panamasë.
Ky është segmenti i parë që përfundon, pastaj janë dhe 12 segmentet e tjera brenda territorit të bashkisë që do të transformohen tërësisht përmes investimit që kap vlerën e 1.1 miliard lekë të vjetra.
Ai u shpreh se ka zgjedhur të punojë, e jo të merret me politikë sikundër bëjnë shumë të tjerë, përcjell “OraNeës”.
Unë kam zgjedhur të punoj. Shumë bëjnë politikë, shkëmbejnë debate dhe mesazhe për të fituar ca vota më tepër. Unë kam zgjedhur që tu shërbej qytetarëve, që ti shërbej Vlorës, ti shërbej të gjithë atyre që kanë zgjedhur të jetojnë në territorin e Bashkisë së Vlorës. E gjitha kjo me qëllimin e vetëm: ta bëjmë Vlorën qytetin e dytë më të rëndësishëm në Shqipëri sepse e ka të gjithë potencialin për të qenë një qytet i tillë, ka të gjitha energjitë njerëzore për të zhvilluar ekonominë”, ka theksuar kryebashkiaku i Vlorës.
(XH.A/SHUPLAKA)
Discussion about this post