Dritan Shano në ‘’Fax News”: Njerëzit në administratë presin zarfin për pushim nga puna

Dritan Shano ka qenë sot i ftuar në studion e mëngjesit në ‘’Fax News” në një bisedë për ekonominë me gazetarin Rezear Xhaxhiun.

 Shano iu rikthye tezës së tij në lidhje me pastrimin e parave të drogës në vitin që kemi hyrë, teksa u shpreh se kjo fillimisht do të krijojë edhe disa vende të reja pune.

Më tej duke iu referuar administratës publike Shano u shpreh se ne për një kohë të gjatë jemi paguar dy persona për të njëjtin vernd pune, për shkak të largimeve të padrejta.  

“Ne sot paguajmë dyfishin e punonjësve në administratë për shkak të emërimeve partizane, dhe procedurave gjyqësore.

E njëjta gjë ndodh edhe në administratën e Ministrive ku njerëzit presin që të marrin zarfet me vendimin për të qëndruar apo jo në punë.

Njerëzit e LSI-së do të largohen me justifikimin se janë të punësuar politikë. Ne nuk zgjedhim më të mirët, zgjedhim më të mirët sipas partive.

Ne në vendin tonë nuk i kemi vendosur pikat mbi i, po kemi gjetur një zgjidhje të mesme, gjë që nuk ndodh. Ka qindra njerësz të vrarë për shkak të pronës dhe problemeve me të”, u shpreh më tej Shano.

(E.K/FAXWEB)