Shkrimtari i dashur për lexuesit, Dritëro Agolli, është shtruar në “Sanatorium” për shkak të përkeqësimit të gjendjes së tij shëndetësore. Burime pranë Spitalit Universitar kanë bërë me dije për një portal online se poeti vazhdon të jetë në gjendje të rëndë shëndetësore.
Ata bëjnë më dije se ai është vendosur në atë që quhet frymëmarrje e drejtuar, për shkak të problemeve kronike të hasura në mushkri prej gati 15 vitesh.
“Ka qenë në gjendje të rëndë dhe aktualisht është në reanimacion. Është vendosur në atë që quhet frymëmarrje të drejtuar, për shkak të problemeve kronike që ka pasur me mushkërinë prej më shumë se 15 vitesh. Aktualisht gjendja vijon të jetë e rëndë, por po tregon stabilitet. Dje është bërë një përpjekje për ta nxjerrë nga frymëmarrja e drejtuar, por akoma nuk ka ardhur në parametrat e duhura”, mësohet të jenë shprehur mjekët.
Mësohet se vetë shkrimtari nuk ka dashur që të shtrohet në spital, por rëndimi i gjendjes shëndetësore, i ka shtyrë familjarët e tij t’i drejtohen spitalit për marrjen e ndihmës më të specializuar. (XH.A/SHUPLAKA)
