Para tre ditësh, shkrimtari i madh shqiptar, Dritëro Agolli është dërguar me urgjencë në sanatoriumin e Tiranës. Kjo për shkak të problemeve me rrugët e frymëmarrjes.
Pavarësisht gjendjes së tij të rënduar shëndetësore, shkrimtari ka refuzuar të shtrohet në spital. Megjithatë, falë insistimit të mjekëve dhe familjarëve të tij, Agollit i është mbushur mendja të shtrohet në sanatorium.
Sipas raportimeve, tre diitë më pas gjendja e shkrimtarit është përmirësuar. Këtë e ka pohuar vetë bashkëshortja e Agollit, Sadije.
“Dritëroi tani është mirë dhe nën kujdesin e mjekëve, asgjë për t’u shqetësuar”, është shprehur ajo.
Shkrimtari i madh këtë tetor festoi 85-vjetorin e tij të lindjes, ngjarje për të cilën u mbajtën një sërë aktivitetesh nga institucionet shqiptare për nder të tij.
Ndërkohë u botuan edhe tri drama të panjohura e një libër me poezitë e tij të fundit, titulluar “Prit edhe pak”.
Po me këtë rast, Akademia e Shkencave botoi për lexuesit tri dramat e Agollit: “Fytyra e dytë”, “Mosha e bardhë” dhe “Baladë për një grua”. (D.D/Shuplaka)
