Dritëro Agolli ndodhet tashmë në sanotoriumin e Tiranës në gjendje të rënduar. Lajm ky që ka prekur shumë nga personat që janë rritur me veprën dhe vargjet e tij. Nje nga ta është edhe gazetari dhe moderatori Blendi Fevziut.
Ai e ka kujtuar veprën e Agollit me një poezi të poetit ‘’Gomari dhe kali’’ të cilën e ka quajtur mjaft aktuale dhe ditët e sotme.
Poezia e Dritëroit:
KALI DHE GOMARI
Kalonin në një shteg të ngushtë mali,
gomari para, pas gomarit kali.
Të dy ngarkuar me thasë mirë,
nga vapa të munduar e djersirë.
Fshatari donte shpejt në fshat të arrinte,
ndaj kalit vitheve me shkop i binte.
Por kali më në fund durimin humbi,
e ngriti bishtin dhe samarin tundi.
Hej, mbaj dorën se pastaj ta hedh përdhe samarin,
ti para meje pse ma nxirr gomarin?
E nga të vete s’di fare unë i ngrati,
kur rrugën ma ka zënë veshgjati.
Përpara nxirrmë mua të mos vuash,
dhe rrih pastaj gomarin sa të duash
Kështu e ka kjo botë e mjerë e marrë,
Përpara nxjerrin veç gomarë.
E risollëm edhe njëherë këtë poezi për të dëshmuar rolin e fortë që ka fjala pavarësisht kalimit të viteve. (E.K/SHUPLAKA)
Discussion about this post