Policia e Vlorës ka dhënë detaje lidhur me sasinë rekord të dogës që u sekuestrua në Karaburun të Vlorës. Policia sqaron si posedues i 671 kilogramëve kanabis ka qenë një 29-vjeçar i identifikuar si Benardo Nezhaj.
Droga e cila ishte e ndarë në pako, ishte bërë gati për transport, ndërsa në afërsi të vendit ku u sekuestrua lënda narkotike, u gjetën dhe disa mushka.
Policia kufitare është vënë në kërkim të skafit që do të kryente transportin në drejtim të Italisë. Pranë vendit ku u gjet droga u sekuestruan dhe 200 litra benzinë, që do të përdoreshin për mjetin lundrues.
Detajet:
Sekuestrohen 671 kg kanabis, 200 litra benzinë, arrestohet një shtetas.
Strukturat Policore të Drejtorisë Vendore të Policisë Vlorë në bashkëpunim me Delta Forcë kanë zhvilluar operacionin e koduar ”Karaburuni”, në të cilin kanë goditur një rast të trafikimit të lëndëve narkotike.
Si rezultat është arrestuar në flagrancë shtetasi:
Benardo Nezhaj, 29 vjeç, banues në Dukat i Ri, Orikum.
U krye arrestimi i tij pasi në Gadishullin e Karaburunit, në vendin e quajtur “Depot e Valanidhit, iu gjetën dhe sekuestruan 671 kg lëndë narkotike Cannabis Sativa, si dhe 200 litra benzinë në 8 bidona plastik.
Vijon puna për dokumentimin e plotë ligjor të këtij rasti si dhe për identifikimin e kapjen e të tjerë shtetasve të përfshirë në ketë veprimtari antiligjore.
Materialet hetimore iu referuan Prokurorisë së Rrethit Gjyqësor Vlorë, për veprën penale ”Trafikimi i narkotikëve, kryer në bashkëpunim”, parashikuar nga neni 283/a/2 i Kodit Penal.
(E.K/FAXWEB.AL)
Discussion about this post