Të tjera detaje zbulohen nga operacioni antidrogë në Kavajë, ku u arrestuan 3 persona dhe u shpallën në kërkim edhe 3 të tjerë.
Mësohet se një prej të arrestuarve është djali i ish-shefit të krimeve të Gramshit, Kejvi Hajdari. Ai është djali i Artur Hajdarit, i cili është aktualisht inspektor në Peqin.
Ndërkohë dy të arrestuarit e tjerë janë Joni Sadikaj dhe Roland Hysenbelliu.
DETAJET E POLICISË
Sipas policisë, në këtë operacion u kapën rreth 1 tonë e 360 kg kanabis sativa, 3 automjete, 1 gomone dhe një traktor.
Mësohet se lënda narkotike transportoohej përmes një automjeti “Land Rover’ dhe një furgoni.
Më datë 14.07.2017, rreth orës 02:20 , shërbimet e policisë kanë marrë informacion se në vendin e quajtur fshati “Bago” , dy automjete, konkretisht një “Land Rover “dhe një furgon mund të transportonin lëndë narkotike.
Menjëherë është organizuar puna për bllokimin e tyre.
Në momentin e kostatimit të këtyre dy automjeteve, nga ana e punonjësve të policisë u është bërë shenjë për të ndaluar por këto automjete nuk kanë ndaluar duke shtuar shpejtësinë dhe duke rrezikuar jetën e punonjësve të policisë .
Drejtuesit dhe personat e tjerë që kanë qenë në këto automjete, duke përfituar nga errësira dhe terreni i vështirë, kanë arritur të largohen duke braktisur automjetet.
Nga kqyrja e këtyre automjeteve, rezultoi se në brendësi të tyre kishte pako të mëdha me lëndë të dyshuar narkotike Cannabis Sattiva, e cila pas peshimit rezultoi rreth 1360 kg.
Nga Specialistët për Hetimin e Krimit në Komisariatin e Policisë Kavajë në bashkëpunim me Sektorin për hetimin e narkotikëve në D.V.P. Tiranë , është organizuar puna dhe në bazë të informacioneve të siguruara në rrugë policore, është bërë e mundur kapja dhe arrestimi i shtetasve :
– J.S., R.H. dhe K. H.
Nga veprimet hetimore të kryera , rezulton se bashkëpuntor janë edhe shtetasit :
B.B., dhe F.S. të cilët janë shpallur në kërkim policor dhe punohet për kapjen e tyre. (D.D/Shuplaka)
Discussion about this post