Është arrestuar një tjetër person në Shkodër pasi ishte i shpallur në kërkim si bashkëpunëtor i shtetasve të arrestuar për drogën e kapur në Velipojë.
Gjovalin Ndoj, 30 vjeç, është arrestuar nga policia e Shkodrës pasi dyshohet si bashkëpunëtor për drogën prej 1.5 ton që u kap në Velipojë. “Fax News” raporton se Ndoj ishte si pasagjer në fugonin që ndodhej sasia e dorgës që drejtohej nga efektivi i policisë Enriko Zyle.
DETAJE:
Në vijim të operacionit “VILUNI BEACH, ndalohet një tjetër shtetas i shpallur në kërkim: Gjovalin Ndoj, 30 vjeç, banues në Lezhë Ndalimi i shtetasit të lartëpërmendur u bë pasi më datë 11.11.2017 është bërë shpallja në kërkim e tij si bashkëpunëtor i shtetasve të arrestuar po me këtë datë ku u sekuestruan 1502 kg lëndë narkotike Cannabis Sativa. Materialet do i referohen Prokurorisë për Krimet e Rënda Tiranë, për veprën penale “Trafikim i lëndëve narkotike e kryer në bashkëpunim, mbetur në tentative”, parashikuar nga neni 283/a 25 dhe 22 të Kodit Penal. (J.V/Faxweb)
