Aspak e mirë paraqitet situata në rradhët e policisë së shtetit. Për shkak të situatës së drogës në vend, Policia e Shtetit mësohet se do të pezullojë dhe shkarkojë disa punonjës të saj.
Parapakisht është përjashtuar nga policia shefi i Komisariatit të Laçit, pasi SHÇBA ka zbuluar parcela me drogë që Feliks Hysa nuk i ka raportuar.
Arsyet zyrtare të përjashtimit të kryepolicit jane se Feliks Hysa ka shpërdoruar detyrën gjatë një operacioni antidrogë.
Kjo sipas burimeve, por që pritet të konfirmohen nga kreu i Policise se Shtetit Haki Cako, i cili ka njoftuar mbajtjen e një konference për shtyp minutat në vijim.
Sakaq, mësohet se është gjetur edhe një sasi e madhe droge në Mat, rreth 200 kg, teksa operacioni është në vijim sepse dyshohet se ka të tjera sasi droge të fshehura.
Prej disa kohësh është ngritur edhe shtabi antikanabis në vend i drejtuar nga zëvendëskryeminitri Peleshi.
NJOFTIMI I POLICISË PËR MATIN:
Sekuestrohen nga Policia rreth 200 kg lëndë narkotike Cannabis Sativa. Strukturat e Komisariatit të Policisë Mat, bazuar në Planin e Veprimit të Drejtorisë Vendore të Policisë Dibër, “Mbi masat që duhen marrë për evidentimin dhe goditjen e fenomenit të sigurimit të farave për kultivimin e bimëve narkotike, në sera , tunele, dhe ambiente të tjera” kanë organizuar grupe kontrolli për këtë qëllim.
Në kuadër të këtyre kontrolleve gjatë ditës së sotme, në njësinë Administrative Baz, në afërsi të lagjes Daci, nga policia gjatë kontrollit në një tunel, janë gjetur dhe sekuestruar në cilësinë e provës materiale:
Rreth 200 kg lëndë narkotike, e futur nëpër thasë.
Lënda narkotike është gjetur rreth 25 metra në brendësi të tunelit.
(E.K/SHUPLAKA)
Discussion about this post