Policia greke ka vënë në pranga një të ri shqiptar, i cili është kapur me drogë pranë Janinës. Mediat greke shkruajnë se 26-vjeçari shqiptar ka qenë duke lëvizur me një motor me drogë në kufirin greko-shqiptar.
Mësohet se motori u pikas në aksin Kakavijë-Janinë ndërsa vinte nga kufiri i gjelbër. Mediat greke po ashtu shkruajnë se kur policët i bënë sinjal të ndalonte, shqiptari nuk u dhe shtoi shpejtësinë por u arrit të kapej më vonë në Karies, Janinë. Pasi u ndalua, policia zbuloi në motorin e të riut kg 850 gram marijuanë.
Po ashtu, edhe në Bizani, është kapur një tjetër sasi droge në një makinë me të cilën udhëtonin dy shqiptarë, njëri 33 dhe tjetri 30-vjeçar. Me ta udhëtonte edhe një 23-vjeçare greke. Të tre janë arrestuar si bashkëpunëtorë në trafik. (D.D/Shuplaka)
Discussion about this post