Nuk janë të pakëta herët kur këngëtarja shqiptare me famë botërore, Dua Lipa, ka marrë pjesë në ngjarjet politike të vendit duke dhënë publikisht mendimin e saj.
Gjatë një interviste për “CNN” një vit më parë, ajo foli rreth Brex-it. Dua u shpreh se fakti që ishte nga Kosova, ndikonte në vlerësimin e saj për BE-në.
Këngëtarja tregoi asokohe se ishte kundër daljes së Britanisë nga Bashkimi Europian.
Sërish së fundmi Dua Lipa ka reaguar për situatën politike të vendit, duke i dalë kundër Kryeministrit të Britanisë, Boris Johnson.
Ai ka vendosur ta shpërndajë parlamentin në prag të Brex-it dhe kjo gjë nuk i ka pëlqyer aspak Duas, e cila i ka dalë publikisht kundër me një postim në Instastory.
Këngëtarja ka publikuar foton e Johnson-it si shkatërruesi i demokracisë në vend.
Të shumtë janë qytetarët që kanë dalë në rrugë për të protestuar për vendimin e Johnson-it dhe Dua ia bëri të ditur të gjithëve qëndrimin e saj në këtë kauzë, duke mbështetur protestuesit.
Discussion about this post