Këngëtarja me origjinë shqiptare Dua Lipa, e cila është duke korrur sukses të vazhdueshëm, teksa ka fituar disa çmime dhe ka qenë në kopertinat e jo pak revistave prestigjoze, sikurse e pranishme në emisione të ndjekura në botë, ka habitur paksa me postimin e saj.
Pjesë të humorit të saj të momentit që ajo ka ndarë më ndjekësit, ka bërë Beyonce-n dhe foton e divës që u shpërnda gjerësisht në rrjetet sociale pasi këngëtarja lajmëroi se ishte në pritje të ëmbël të dy binjakëve.
Në këtë postim, Beyonce shfaqet me barkun e rrumbullakosur mbi një banak ushqimesh të shpejta. Mesazhi i fotos së montuar është ai që përshkruan më së mirë pozicionin e secilit prej nesh kur ndihemi të fryrë nga konsumimi i produkteve fast food.
Nuk dihet nëse është ironi që këngëtarja Dua Lipa ka bërë me foton që bëri xhiron e botës, apo thjesht një shaka pa të keq. (XH.A/SHUPLAKA)
Discussion about this post