Dua Lipa është bërë artistja e parë shqiptare që fiton çmim “Grammy”.
Këngëtarja me origjinë nga Kosova ka fituar në kategorinë “Kënga më e mirë në zhanrin dance”, në të cilën ka garuar me këngën “Electricity”, në bashkëpunim me Mark Ronson dhe Diplon.
Po ashtu, këngëtarja ka fituar edhe në kategorinë “Artistja më e mirë e re”, ku po garonte edhe Bebe Rexha.
Në asnjë çast këngëtarja nuk e ka fshehur entuziazmin për këto arritje të saj, teksa ka ndarë me ndjekësit në Instagram foto dhe video.
“Unë jam fituese e dy çmimeve grammy!!! E përulur dhe mirënjohëse për këtë moment. Shumë dashuri për fansat e mi, familjen time, ekipin tim dhe të gjithë artistët e pabesueshëm me të cilët kam bashkëpunuar. Një ëndërr e vërtetë realizohet! FALEMINDERIT!! “, shkruan Dua.
(E.K/FAXWEB.AL)
