Këngëtarja me origjinë shqiptare Dua Lipa, e cila është shndërruar tashmë në një yll të muzikës botërore, duket se nuk di të ndalet. Zëri i saj i veçantë dhe stili unik kanë bërë që bukuroshja të rrëmbejë zemrat e publikut.
Mbrëmjen e djeshme, ajo ka arritur të sigurojë një tjetër trofe. “European Border Breakers Awards” e ka shpallur Dua Lipën si artisten më të mirë në zhvillim për vitin 2017. Ky çmim u akordohet artistëve që kanë mundur të sigurojnë një audiencë të madhe jashtë vendeve të tyre të origjinës me albumin e tyre të parë. Dua, sa vjen dhe po bëhet një emër mjaft i kërkuar në industrinë e muzikës botërore.
