Saffie Rose Roussos, 8-vjeçarja që humbi jetën në sulmin në Manchester tri ditë më parë, kërkoi të ëmën pak minuta pasi u plagos nga shpërthimi kamikaz.
Kështu shprehet një shofer kamioni, dëshmitar në vendngjarje, i cili iu gjet pranë vogëlushes pas shpërthimit, deri në mbërritjen e autoambulancës.
“Thjesht ishte një vajzë e bukur në çdo aspekt të fjalës. Ajo ishte një vajzë e vogël që po vdiste dhe që kërkonte nënën e saj. Ishte shkatërruese.”.
Një kërkim i dëshpëruar nisi në mediat sociale mbi vogëlushen pasi ajo u nda nga mamaja e saj dhe motra 20-vjeçare që ndodheshin në koncert me të. Flitet se e ëma mundet ende të mos ketë dijeni për tragjedinë pasi ndodhet nën efektin e qetësuesve.
(XH.A/SHUPLAKA)
Discussion about this post