Pas nënshkrimit t marrëveshjes për armët me Arabinë Saudite, presidenti I SHBA, Donald Trump ka deklaruar se do të bëjë një marrëveshje me Iranin.
Në nisje të deklaratës për shtyp, Trump akuzoi Iranin për përpjekje për të shkatërruar rajonin dhe për të nxitur luftëra jashtë vendit.
“Unë nuk jam këtu thjesht për të dënuar kaosin e kaluar të udhëheqësve të Iranit, por për t’u ofruar atyre një rrugë të re dhe një rrugë shumë më të mirë drejt një të ardhmeje më shpresëdhënëse”, tha Trump.
Më tej ai theksoi “Dua të bëj një marrëveshje me Iranin. Nëse do realizohet, do të jem shumë i lumtur.”
Ai thotë se nëse udhëheqja e Iranit e refuzon këtë dhe “vazhdon të sulmojë fqinjët e saj, atëherë nuk do të kemi zgjidhje tjetër veçse të ushtrojmë presion maksimal” dhe t’i çojmë eksportet iraniane të naftës në zero.
