Këngëtarja me famë botërore Jennifer Lopez duket se është mërzitur me jetën që bën në Hollywood.
Ajo ka dhënë një intervistë për “Vanity Fair”, ku midis të tjerash lë të nënkuptohet se pas disa vitesh mendon të largohet nga Shtetet e Bashkuara të Amerikës dhe të nisë një jetë të re.
Ajo tregon se i pëlqen jeta e thjeshtë, ajo ku njerëzit dalin dhe e blejnë bukën vetë dhe më pas e lyejnë me reçel.
“Më pyesin për të ardhmen dhe këtë e lidhin gjithmonë me karrierën. Por nëse mendoj për listën e gjërave që duhet të bëj, është të jetoj sa më larg SHBA-ve. Ndoshta në një qytet të vogël në Itali, apo në pjesën tjetër të botës, në Bali.
Të gjej një jetë tjetër, më të thjeshtë dhe organike. Ku mund të shëtis me biçikletë, të blej bukë, të shkoj në shtëpi, ta lyej me reçel e thjesht të ha dhe të pikturoj. Ose të rri në një karrige lëkundëse, me një pamje të bukur përpara, ku ndoshta ka dhe një pemë ulliri që të mund t’i ndjej erën. Kjo është ajo që fantazoj”, tha Jennifer Lopez.
Discussion about this post