Ermal Meta arriti të mahniste publikun italian me performancën e tij në Sanremon e këtij viti. Pavarësisht se u pa si një nga pretendentët për të fituar çmimin e madh në natën finale ai u rendit vetëm i treti.
E megjithatë vlerësimet e jurisë nuk munguan për të. Në një intervistë për gazetaren Jona Spahiu ai shprehet se një pjesë e tij ka mbetur në Shqipëri.
“Një pjesë e imja ka ngelur në Shqipëri, nuk ka ikur kurrë”. Ndërkohë që Meta nuk ka munguar të tregojë as çudinë e njerëzve kur e dëgjonin se donte të bëhej ‘rockstar’.
“Dua të jem ‘rockstar’ thashë dhe qeshën të gjithë. Herën e parë që jam ngjitur në skenë isha teknik dhe punoja për grupet e tjera”.
Duhet thënë se kjo është vetëm një pjesë e intervistës që do të tranmetohet shumë shpejt në ‘’Pa Filtër’’. (E.K/SHUPLAKA)
