Një 26-vjeçar, i cili ishte mbështetës i ISIS, do të qëndrojë për 22 vite në burg. Bëhet fjalë për të riun shqiptar Sajmir Alimehmeti, i cili është dënuar nga gjykata amerikane. Ai u arrestua në vitin 2016, ndërsa në vitin 2018 pranoi akuzën e terrorizmit.
Më herët ai e ka shprehur hapur qëndrimin e tij pro-ISIS, duke treguar edhe dëshirën për të vrarë njerëz në mënyra nga më të frikshmet.
“Dua të vras njerëz me sharrë elektrike”, ka deklaruar 26-vjeçari. I pandehuri është ndaluar dy herë, në tentativë për të ikur drejt Sirisë më 2014. Gjatë kontrolleve në banesë, Alimehmetit i janë gjetur arsenal armësh të tmerrshme, municione, thikë e mprehtë, një sharrë elektrike dhe pranga.
Nisur nga ky fakt, gjyqtari e cilësoi Aliahmetin si “bombë shpërthyese”, ndërsa dakord me të ra edhe prokurori i çështjes Emil Bove. Madje ky i fundit shtoi se 26-vjeçari këndonte edhe vargje, tek të cilat flitej si të thereshin njerëzit në fyt në emër të ISIS.
“Sharra elektrike ishte një armë e frikshme në duart e agresorit, që me të ai mund të bënte masakra”, deklaroi prokurori. Ai shtoi se Sajmir Alimehmeti shikonte video horror, të njerëzve pa kokë, me qëllim që të stërvitej.
(M. I./ Faxweb.al)
