Përmes një shënimi në rrjetet sociale, deputeti i opozitës parlamentare, Alban Zeneli ka folur për Komisionin Hetimor për shkarkimin e Presidentit Ilir Meta.
Zeneli thekson se, legjitimiteti i punës së Komisionit, varet rreptësisht nga interiteti i tij, duke argumentuar se procesi i hetimit është më i rëndësishëm se sa konkluzionet e tij.
“Ta harrojë Partia Socialiste se mund të bëjë lojëra politike me këtë çështje e të tjera çështje në Kuvend, duke na konsideruar neve deputetëve të opozitës si të mirëqenë dhe si shtojcë e pakonsiderueshme. Dua tu jap lajmin socialistëve dhe gjithë shqiptarëve se periudha e parë e tronditjes dhe kaosit për shkak të situatës së jashtëzakonshme kur Opozita dogji mandatet e kandidatë në listat vijuese u bënë deputetë, kaloi”, shkruan Zeneli.
Ai shton më tej se, deputetët e opozitës do të jenë garant të integritetit të proçesit dhe përgjegjshmërisë dhe shtetarizmit në kryerjen e detyrës në këtë Komision.
Reagimi i plotë:
Miq,
Këtu më poshtë keni një prononcimin timin të dhënë gazetarit Muhamed Veliu, mbi punën e Komisionit Hetimor të Kuvendit të Shqipërisë për Presidentin Ilir Meta.
E ripërsëris:
- Legjitimiteti i punës së këtij Komisioni varet rreptësisht nga integriteti mbi të cilin zhvillohet i gjithë proçesi i hetimit, shqyrtimit, krahasimit, analizimit dhe mbërritjes në konkluzione. Integriteti i punës së këtij Komisioni dhe i proçesit të hetimit është më i rëndësishëm sesa konkluzionet e tij.
- Nuk është një gjë që ndodh çdo ditë e shpesh, për një shtet, nisja e proçedurës së shkarkimit të një Presidenti. Gjithçka që bëjmë ne sot, mbart një përgjegjësi të lartë shtetërore, kushtetuese, ligjore, institucionale, politike dhe njerëzore sepse do të hyjë në librat e historisë. Duhet përgjegjshmëri dhe shtetari për të sotmen dhe brezat që po vijnë.
- Ta harrojë Partia Socialiste se mund të bëjë lojëra politike me këtë çështje e të tjera çështje në Kuvend, duke na konsideruar neve deputetëve të opozitës si të mirëqenë dhe si shtojcë e pakonsiderueshme. Dua tu jap lajmin socialistëve dhe gjithë shqiptarëve se periudha e parë e tronditjes dhe kaosit për shkak të situatës së jashtëzakonshme kur Opozita dogji mandatet e kandidatë në listat vijuese u bënë deputetë, kaloi.
Tani edhe opozita në Kuvend po rimblidhet, po riorganizohet dhe do të jetë e fortë dhe ballore.
Askush të mos guxojë ti bëjë llogaritë pa ne deputetët e Opozitës në Kuvend.
Duke ia nisur nga ky Komision Hetimor, ne deputetët e Opozitës do të jemi garant të integritetit të proçesit dhe përgjegjshmërisë dhe shtetarizmit në kryerjen e detyrës.
Faleminderit.
????????
✌✌✌✌
(F.GJ/FAXWEB.AL)
Discussion about this post