“Duam të punojmë si vullnetarë”, të dënuarit në burgun e Reçit zbulojnë kërkesën e tyre: Të ndihmojmë qytetarët

Si pasojë e valës së tërmeteve që kanë prekur vendin tonë, ka pasur një numër të jashtëzakonshëm ndihmash që kanë ardhur nga brenda dhe nga jashtë vendit.

Mes atyre që duan të ofrojnë ndihmë për qytetarët e prekur nga tërmeti janë dhe të burgosurit e burgut të Reçit. Në një lidhje telefonike për Fax Neës, një prj të burgosurve në burgun e Reçit, Genc Loku, tha se të gjithë të dënuarit janë gati që të bëjnë punë vullnetare.

Loku tha se ata do të bëjnë një listë me të dënuarit me pak vite burg, në mënyrë që të punojnë për rikuperimin e dëmeve nga tërmeti.

“Unë jam Genc Loku, burgu i Reçit, duam që të kountribojmë sadopak  për personat e prekur nga tyërmeti. Jemi të gatshëm që të punojmë në mënyrë vullnetare, për pasojat, sidomos ne që kemi dënime të vogla. 

Do kërkojmë që të takojmë drejtorin e burgut, që ti bashkohemi popullit tonë vullnetarisht për këtë ngjarje të rëndë. Do të bëjmë një listë me emër dhe me mbiemër, ne që nuk jemi me rrezikshmëri të lartë, do të kërkojmë që të ndihmojmë”, u shpreh i dënuari.

(E.K/Faxweb.al)