Mediat greke vijojnë ti mëshojnë fort vrasjes së Konstantinos Katsifas nga ana e forcave RENEA në Bularat të Gjirokastrës.
Së fundi televizioni ‘Star’ duke iu referuar deklaratave të presidentit Meta se autoritetet shqiptare duhet të jenë të përgatitura për çdo provokim, i ka quajtur të pavenda këto thënie të Metës.
Lidhur me këtë është shprehur dhe nëna e Kaçifas, Vasilia, e cila tha se ndërkohë që të gjithë kishin frikë të flisnin, ajo do ta ngrinte zërin për të treguar që ndaj tyre po ushtrohej presion.
“Unë nuk kam frikë… Të gjithë kanë frikë të flasin. Pse na ushtrojnë presion? Ne nuk kemi lënduar askënd. A nuk është kjo diçka e papranueshme?”, është shprehur Vasili Katsifa, e ëma e Konstandinos Katsifas.
Pas vrasjes të së birit, edhe i ati Jani tha se autoritet shqiptare duan që minoriteti grek të jetojë me frikë.
“Ata nuk e bëjnë për asgjë tjetër veçse për të na trembur. Duan që të na bëjnë të jetojmë me frikë. Mirë që do kemi frikë, por nga se? Ata më morën djalin tim. Tani ne duhet t’i tregojmë atyre forcën tonë”, është shprehur Jani Katsifas.
(E.K/FAXWEB.AL)
Discussion about this post