Në një takim që ish-ministri i Punëve të Brendshme, Saimir Tahiri, zhvilloi së fundmi me banorë të “Qytetit të Nxënësve”, ai u ndal tek Lëvizja Socialiste për Integrim.
Kandidati i PS-së për Tiranën, Saimir Tahiri, tha se vota e dhënë për LSI është votë e hedhur në kosh, ndaj qytetarët të mos bien pre e pazareve të tyre. Sipas Tahirit, LSI nuk e ka mendjen tek njerëzit. “Miqtë e mi LSI-ja, pa pritur zgjedhjet fare po ua them, është në opozitë sot, nesër pas zgjedhjeve dhe për vitet e ardhshme dhe pikë. Jemi në këtë pikë sepse partitë kanë bërë pazare.”, u shpreh ndër të tjera Tahiri.
Lidhur me këtë deklaratë të tij, ka reaguar Klajda Gjosha, kandidate e LSI-së për Tiranën, e cila u shpreh se nuk i takon Tahirit të flasë për këtë çështje. Nga “Vila 24”, ajo theksoi se data 26 do të jetë surprizë për të gjithë.
“Nuk mendoj se i takon Tahirit të flasë për këtë çështje. Data 26 do jetë një suprizë për të gjithë. Por nuk i takon atij të shprehet për këtë gjë. Programi ynë është për njerëzit, do të nisë më datë 26 qershor dhe do jetë surprizë për gjithë Shqipërinë. Ne sondazhe të brendshme kemi por unë shifrat nuk i parapëlqej ndaj nuk i them.”
(XH.A/SHUPLAKA)
