”Duart lart të gjithë, hapni këmbët..”, VIDEO e aksionit të policisë në klubet e natës

Policia e Tiranës ka arrestuar 11 persona të cilët dyshohet se shpërndanin lëndë narkotike në lokalet e natës.

Personat akuzohen për ”Prodhim dhe shpërndarje lëndësh narkotike” dhe ”Përshtatje e lokalit për përdorim droge”.

Policia ka ushtruar kontrolle në disa lokale në zonën e ish-Bllokut, ku përvec të arrestuarve janë verifikuar dhe shoqëruar në polici gjithsej 29 persona. Është konstatuar se menaxherët jo vetëm lejonin që droga të pihej në ambjentet e lokaleve, por në disa raste ajo shpërndahej nga vetë stafi i këtyre lokaleve. 

Të arrestuarit:

1. Andri Buxhuku, 46 vjeç, banues në Tiranë, Menaxher i lokalit, Përshtatja e lokalit për përdorim droge. 2. Geri Pogoni, 29 vjeç, banues në Tiranë, Menaxher i lokalit, Përshtatja e lokalit për përdorim droge.

3. Elton Murati, 34 vjeç, banues në Tiranë, “Klient” – Shpërndarës i lëndëve narkotike.

4. Dorjan Plaku, 26 vjeç, banues në Tiranë, i dënuar më parë për “Prodhimi dhe shitja e narkotikëve”, “Klient” – Shpërndarës i lëndëve narkotike.

5. Oltion Bekteshi, 36 vjeç, banues në Tiranë, Menaxher i lokalit, Përshtatja e lokalit për përdorim droge. 6. Erjon Dobi, 24 vjeç, banues në Tiranë, “Klient” – Shpërndarës i lëndëve narkotike.

7. Redi Roshi, 25 vjeç, banues në Tiranë, përdorues i lëndëve narkotike.

8. Ermir Papadhimitri, 30 vjeç, banues në Tiranë, përdorues i lëndëve narkotike.

9. Emiljano Llupo, 22 vjeç, banues në Tiranë, Staf kamarier i lolalit, Shpërndarës i lëndëve narkotike.

10. Filip Fermanis, 31 vjeç, banues në Tiranë, Menaxher i lokalit, Përshtatja e lokalit për përdorim droge. 11. Arlind Kozeli, 36 vjeç, banues në Tiranë, DJ dhe bashkëpronar i lokalit, Përshtatja e lokalit për përdorim droge.

I proceduar në gjendje të lirë shtetasi:

12. Elvis Lufi, 36 vjeç, banues në Tiranë, përdorues i lëndëve narkotike.

Në cilësinë e provës materiale janë sekuestruar: – 5 gramë lëndë e dyshuar narkotike e llojt “Kokainë” – 3 gramë lëndë e dyshuar narkotike e llojt “Cannabis Sattiva” – 20 aparate telefonike të markave të ndryshme – 2 kanaçe inoksi (për ngrohjen e lëndës narkotike, me mbetje lëndë të dyshuar narkotike) – 4 tuba plastik.

Kjo është video e operacionit të mbrëmshëm në lokalet e natës në Tiranë ku u arrestuan 11 persona dhe u sekuestrua drogë dhe sende të tjera me vlerë.