“Duhet të bëj skandal”, zbulohet audio ku Nainggolan kërkon të kthehet në Romë

Pezullimi i Radja Nainggolan nga klubi i Inter për ndeshjen kundër Napolit për shkak të një mase disiplinore nuk ka kaluar pa shumë bujë.

Të gjitha mediat shkruajnë se sjellja e belgut ka qenë joprofesionale dhe nuk ka zbatuar oraret dhe seancat stërvitore. Së fundi, në rrjete sociale po qarkullon një material audio, ku thuhet se është Nainggolan që rrëfen se do të bëjë skandal te Inter që ta lënë të largohet për te Roma.

Riprendelo al 115%pic.twitter.com/hqoMa3EANZ

— John Solano (@Solano_56) December 25, 2018

“Çfarë rrëmuje (te Inter)…Dua të kthehem pas (te Roma). Zot i madh, të gjithë mendojnë se kam mbaruar. Por, s’ka problem, unë gjithmonë e kam treguar kualitetin në fushë dhe gjithmonë i kam bërë të heshtin”, dëgjohet në materialin që po qarkullon në rrjet.

Ndërsa më tej shton: “Për aq kohë sa kam Totti-n shok, ndoshta do të provoj të kthehem te Roma sërish…ose duhet të bëjë ndonjë skandal.”, – shrkuan SP.

Me këto fjalë mbyllet video që është regjistruar me sfond të zi dhe dëgjohen vetëm dy zëra, sa e vërtetë mund të jetë kjo video mbetet për t’u parë se si do shkojë situata e belgut te Inter.