Pas një gjobe të “majme” që Hetimi Tatimor i vendosi në lokalin që e kishte hapur prej pak kohësh në Korçë, biznesmeni Arbër Çepani, i njohur për publikun dhe si fitues i një prej edicioneve të “Big Brother” ka nisur sagën e gjyqeve ndaj këtij institucioni. Sot në një postim në FB ai ka publikuar një foto nga gjykata me një mbishkrim të gjatë dhe plot mllef për ‘fundërrinat’ siç i quan ai që e detyrojnë të kalojë ditën e lindjes, ndryshe nga çdo të donte.
Postimi i plotë:
“8 Maj 2019. Gjykata Administrative Korçë. Duhet të isha duke festuar 32 vjetorin tim me familjarët dhe njerëzit e dashur por më duhet të kalbem seancave gjyqësore për të fituar të drejtën time! Asnjë surprizë! Kjo është Shqipëria që ne kemi lejuar, që ju ta bëni kështu! Sikurse pritej edhe Gjykata Administrative la në fuqi me pretendime krejtësisht qesharake dhe të pa bazuara ligjërisht, madje edhe të gënjeshtërta, vendimet e një fundërrine të shkrirë për abuzime si Hetimi Tatimor! Në Shqipëri drejtësinë duhet ta gjejmë vetëm tek Zoti! Nëse mendoni përsëri se do tërhiqem, ateherë dëgjoheni mirë edhe njëherë! Sa të kem jetë, nëse do jetë nevoja, deri në Strasburg do e kërkoj të drejtën time! Gjithësecilit prej jush, që ka abuzuar dhe po abuzon me ligjin, duke e përdorur atë për të sulmuar njerëz që s’do jenë kurrë si ju, nga pas do më keni! Sa më shumë të mendoni se po më fundosni, aq më shumë do të ngrihem nga ferri i errësirës tuaj! Shihemi në Gjykatën e Apelit! Zoti na teston të bëhemi më të fortë, duke na lënë të bashkëjetojmë në këtë tokë të bekuar bashkë me ju”, shkruan Çepani.
Discussion about this post