Ambasadorja e Shteteve të Bashkuara të Amerikës në Tiranë, Yuri Kim nëpërmjet një video-mesazhi u ka bërë thirrje qytetarëve amerikanë që të riplanifikojnë kthimin e tyre në SHBA.
Në një kohë që kufinjtë tokësorë e Shqipërisë janë të mbyllur për shkak të pandemisë globale Ambasadorja bën me dije se mbetet hapur vetëm një linjë ajrore drejt Stambollit.
“Dua të përsëris këshillën e Departamentit të Shtetit, me kufijtë duke u mbyllur dhe fluturimet ndërkombëtare duke u pakësuar, ne nxisim sërish qytetarët e Shteteve të Bashkuara që të planifikojnë kthimin e menjëhershëm në SHBA. Përveç rasteve kur jeni të përgatur për të qëndruar për një kohë të pacaktuar.
Më lejoni të jem e qartë, ky është një njoftim këshillues dhe jo urdhër. Nuk e di nëse i keni lexuar njoftimet e DASH dhe e kuptoni nëse doni të ktheheni në SHBA, duhet të veproni tani përpara se të mbyllet mundësia e fluturimeve të disponueshme. Siç e dini, të gjithë kufijtë tokësorë shqiptarë tashmë janë mbyllur. Për momentin, ka vetëm një fluturim komercial që niset nga Shqipëria për në Stamboll nga ku mund të merrni fluturime për në SHBA”, thotë ambasadorja”.
https://www.facebook.com/usembassytirana/videos/239103930615527/?t=132
Discussion about this post