Kreu i PAA Agron Duka ka dalë nga selia blu duke thënë se është arritur marrëveshja mes tij dhe kryedemokratit Basha.
“Marrëveshja është arritur, listat pothuajse janë mbyllur. Listën do e thotë Basha, pas një ore ose një orë e gjysëm, pothuajse janë mbyllur të gjitha listat”,-tha Duka.
Mësohet se Fatmir Mediu, Agron Duka dhe Vangjel Dule, do të jenë në pozicione fituese në listat e PD-së.
Ndërsa Ndoka dhe Shehu vetë do vendosen në vende fituese, por kanë edhe nga 2 persona në vende jo fituese. Ndoka do të garojë në Shkodër ndërsa Shehi në Tiranë. Sakaq, Dule do të ketë edhe një kandidat në Vlorë.
Kështu jashtë listave ka mbetur vetëm Kreshnik Spahiu.
Kujtojmë se mesnata e sotme është dhe afati i fundit i dorëzimit të listave në KQZ.
(M.D/Shuplaka)
