Duka i Madh i Rusisë: “Do të ndihmoj të prekurit nga tërmeti pas apelit të kushëririt Princ Leka!”

Duka i Madh i Rusisë, George, ka bërë me dije se do t’ju vijë në ndihmë të prekurve nga tërmeti.

Ai ka njoftuar përmes një njoftimi në Facebook, se i është përgjigjur kërkesës për ndihmë të Princ Lekës, të cilin e ka dhe kushëri.

Në postimin në Facebook Duka i Madh është shprehur se do t’i bashkohet listës së donatorëve për të ndihmuar popullin shqiptar.

“I jam përgjigjur kërkesës për ndihmë të kushëririt tim Princit Leka të Shqipërisë, pas tërmetit që goditi Shqipërinë dhe la të vdekur 50 njerëz, 2000 të plagosur, dhe 2400 ndërtesa të dëmtuara. Do dhuroj për të ndihmuar popullin e Shqipërisë në këto momente të vështira”, shkruan Duka.