Vizita disaditore e kryeministrit Rama në Beograd, ku u nënshkrua i ashtuquajturi Shengeni Ballkanik, ngre shumë pikëpyetje lidhur me interesat që fshihen pas saj.
Një nga goditjet më të mëdha që Rama iu ka dhënë shqiptarëve me këtë marrëveshje, është padyshim dhe përjashtimi i Kosovës nga ky proces.
Por duke u përqëndruar te vizita e tij dhe te udhëtimi me avion privat, aktivisti Gen Sejko ka publikuar dhe çmimet e kompanisë së fluturimeve, me të cilin Rama ka udhëtuar drejt Beogradit.
Sipas një kërkimi kompania bullgare Aviostart ofron shërbime të pasagjerëve privatë dhe çmimet fillojnë nga 1800 euro ora.
“Aviostart është një linjë ajrore bullgare me bazë në Aeroportin e Sofjes. Aviostart ofron shërbime të pasagjerëve privatë dhe çmimet fillojnë nga 1800€ ora. Presim që kryeministri të na tregojë se kush e pagoi faturën e fluturimit të tij në Beograd dhe se sa ishte shuma totale që u pagua. Natën e mirë!”, shkruan Sejko në reagimin e tij.
Mbetet të presim nëse kryeministria do të bëjë transparente shpenzimet e këtij udhëtimi, apo do të jenë në pritje të destinacionit të radhës.
(E.K/Faxweb.al)
Discussion about this post