Kryetari i partisë LIBRA, Ben Blushi, ka komentuar pak minuta më parë marrëveshjen e orëve të vona mes kryeministrit Rama dhe kryedemokratit Basha.
Fillimisht, ai ka shprehur kënaqësinë që PD dhe aleatët e saj u kthyen në zgjedhje, por thekson se nëse shtyrja e zgjedhjeve ka qenë arsyeja e qëndrimit në çadër, atëherë nuk ia ka vlejtur.
Më tej, ai nuk kursen ironinë ndaj kryetarit të Partisë Demokratike, Lulzim Basha, për të cilin shprehet se duket si zv/kryeministër i Ramës. “U nise të zëvendësoje Saliun, zëvendësove Nikon!”, shprehet Blushi drejtuar Bashës.
Reagimi i Ben Blushit pas marrëveshjes:
URIM PËR MARRËVESHJEN
Është kënaqësi që PD dhe aleatët u kthyen në zgjedhje pasi ky vendim jep më shumë garanci për njohjen e zgjedhjeve. Megjithatë nëse kanë qëndruar në cadër vetëm për të shtyrë zgjedhjet atëherë kjo sakrificë nuk ja ka vlejtur.Zgjedhjet janë më të mira jo vetëm kur ka më shumë parti,por kur ka më shumë standart. Sidoqoftë një pikë e marrëveshjes duket sikur ka hyrë ne fuqi që dje: Luli sot duket si zëvendekryeministër i Edit.Urime Luli! U nise të zëvendësoje Saliun, zëvendësove Nikon!
(XH.A/SHUPLAKA)
