Me rritjen e temperaturave fermerët e zonës së Dumresë hasen me rrezikun e pickimit të insekteve të ndryshme që mund të rëndojnë gjendjen e tyre shëndetësore.
Mjeku i Qendrës Spitalore Belësh, Ardit Hanko shprehet për FaxNews se rastet e para janë ato të pickimit të bletës dhe të merimangës së zezë, por nuk përjashtohen dhe rastet e pickimit të gjarpërinjëve.
Sipas mjekut Ardit Hanko numri i personave që marin ndihmë mjeksore nga Qendrën Shëndetësore Belësh varjon në 2 raste në ditë, ku mendohet që kjo shifër të trefishohet gjatë muajve në vazhdim.
Ndonëse jemi në muajn e parë të verës, fermerët e zonës së Dumresë janë duke u hasur me pickimet e shumta të insekteve të ndryshme ku shumica e tyre janë alergjik dhe helmues.
Gjithashtu mjeku tregon se ka pasur raste të fermerëve që janë pickuar nga insekte heluese si mirimanga e zezë, por dhe kafshime nga gjarpërinjtë. Efekti i helmimit nga mirimanga e zezë vjen pas 1 ore të pickimit ku shenjat e saj janë dhimbje e muskujve, skuqeje dhe nxirje të vendit të pickimit.
Shumica e rasteve të pickimeve mbetet i menaxhueshëm për stafin mjeksor të Qendrës Shëndetësore Belësh duke i mbajtur pacientët në observim, ndërsa rastet më të rralla dërgohen në spitalin Rajonal të Elbasanit.
Mjeku këshillon fermerët të pajisen me veshjet e përshtatshme për të punuar tokën, pasi mendohet që gjatë muajve në vijim numri i personave të picuar nga insekte helmuese apo gjarpërinjëve do të shtohet.