Një makinë me drejtues shtetasin A.F. ka përplasur pasditen e sotme një punonjës policie i cili po kalonte rrugën tek vijat e bardha. Ngjarja ka ndodhur në lagjen nr.8 në qytetin e Durrësit, pranë ambjenteve të Drejtorisë Vendore të Policisë Durrës.
Punonjësi i policisë M.A. u dërgua në spital ku ndodhet nën kujdesin e mjekëve, ndërsa drejtuesi i makinës është shoqëruar në Komisariatin e Policisë Durrës. Dyshohet se ky i fundit po e drejtonte mjetin në gjendje të dehur.
Sakaq grupi hetimor është në vendngjarje dhe po heton për rrethanat e plota të aksidentit.
Njoftimi i Policisë:
Durrës/Informacion paraprak
Rreth orës 18:35, në lagjen nr. 8, përpara ambienteve të Drejtorisë Vendore të Policisë Durrës, automjeti me drejtues shtetasin A. F., ka përplasur shtetasin M. A. punonjës policie në Komisariatin e Policisë Durrës, i cili ishte duke kaluar në vijat e bardha për këmbësorët.
Punonjësi i Policisë, shtetasi M. A. ndodhet në spital, në kujdesin e mjekëve, ndërkaq, drejtuesi i automjetit, shtetasi A. F. është shoqëruar në Komisariatin e Policisë Durrës, për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post