Shërbimet e Komisariatit të Policisë Durrës, në vijim të punës për zbardhjen e vjedhjeve të ndodhura më parë dhe kapjen e autorëve të shpallur në kërkim, finalizuan me sukses operacionin policor të koduar “Again”, falë edhe bashkëpunimit të ngushtë me qytetarët.
Në kuadër të këtij operacioni u bë e mundur kapja dhe arrestimi i shtetasit:
Amarild Muka, 41 vjeç, banues në Tiranë,
i dyshuar si autor i një sërë vjedhjesh të ndodhura në territorin e qarkut Durrës, përfshirë:
-
vjedhje në banesa,
-
vjedhje në automjete,
-
vjedhje të monopatinave elektrike,
-
vjedhje portofolash,
-
si dhe raste të tjera të ngjashme.
Gjithashtu, ndaj këtij shtetasi ishte lëshuar urdhër kërkimi nga DVP Tiranë, për veprën penale “Mashtrimi”, si dhe është i dyshuar për disa vjedhje të mëparshme në juridiksione të ndryshme.
Operacioni “Again” është një tjetër sukses i strukturave të Policisë së Shtetit në përmbushje të objektivit për rritjen e sigurisë publike dhe ndëshkimin e autorëve të veprave penale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme hetimore.
Policia e Shtetit falënderon qytetarët për bashkëpunimin dhe fton sërish çdo qytetar të denoncojë rastet e paligjshmërisë, duke garantuar anonimatin dhe reagim të menjëhershëm.
