Gërmimet e themeleve për ndërtimin e një pallati shumë katësh në qytetin e Durrësit kanë nxjerrë në pah rrënoja arkeologjike të cilat ende nuk dihet se cilës periudhë i përkasin.
Vendndodhja është mbi Zonën Arkeologjike B, në lagjen nr 1 të qytetit, ku ligjërisht lejon ndërtimet e reja, por dalja në pah e këtyre mureve ka bërë që punimet të pezullohen duke i zhytur nën ujë këto objekte historike. Megjithëse në përgjigjet e institucioneve përgjegjëse, nuk na bëhet me dije se në këtë sipërfaqe janë kryer sondazhe (gërmime) arkeologjike paraprake për vërtetim të pranisë apo jo të objekteve arkeologjike, punimet nga firma private kanë vijuar deri në konstatimin dhe më pas pezullimin nga ana e Ministrisë së Kulturës dhe Këshillit Kombetar të Arkeologjisë.
Do të jenë po këto dy institucione që do të përcaktojnë vijimësinë ose jo të punimeve për objektin e planifikuar nga firma e ndërtimit. Do ta percaktojë keshilli kombëtar arkeologjik dhe Ministria e kultures nëse rrënojat e dala në pah kane vlerë të mjaftueshme historike për tu restauruar, mirëmbajtur dhe të mos ndertohet pallati shumëkatësh i planifikuar në këtë zonë, ndërkohë që pamja aktuale e këtyre themeleve ka degraduar si mund të duket edhe nga pamjet. (Fax News)
Discussion about this post