Durrës – Një 32-vjeçar i shpallur në kërkim është vënë në pranga nga policia.
E.C., banues në Durrës ishte në kërkim në kuadër të megaoperacionit “Tempulli 2”, pasi nga hetimet dyshohet të ketë kryer veprën penale të “Prodhim dhe shitje të lëndëve narkotike”.
Ndërkohë, numri i të arrestuarve në kuadër të “Tempulli 2” në qarkun e Durrësit shkon në 53.
Njoftimi i Policisë:
Durrës/Vijon megaoperacioni policor antidrogë i koduar “Tempulli 2”.
Lokalizohet, kapet dhe vihet në pranga një 32-vjeçar i shpallur në kërkim për veprën penale “Prodhimi dhe shitja e narkotikëve”.
Shkon 53 numri i shtetasve të vënë në pranga në kuadër të këtij megaoperacioni, në nivel qarku.
Si rezultat i veprimeve operacionale të kryera me intensitet nga Policia e Durrësit, në vijim të megaoperacionit “Tempulli 2”, si dhe i hetimeve të ndjekura me metoda proaktive, në bashkëpunim me Prokurorinë e Durrësit, për të nxjerrë përpara përgjegjësisë penale, shtetasit që prodhojnë dhe/ose shesin lëndë narkotike, specialistët e Sektorit për Hetimin e Narkotikëve dhe Trafiqeve të Paligjshme të DVP Durrës ndaluan shtetasin E. C., 32 vjeç, banues në Durrës.
Ky shtetas ishte shpallur në kërkim, në kuadër të megaoperacionit “Tempulli 2”, pasi nga hetimet dyshohet se është implikuar në veprimtaritë kriminale të prodhimit dhe shitjes së lëndëve narkotike.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
#angazhimpërkushtimsakrificë👮️🚔
#tëvendosurkundërkrimit✅
#nëçdoskajtëvendit🇦🇱
#nëshërbimtëqytetarëve👮️🤝🙍
Discussion about this post