Policia e Durrësit ka vijuar kontrollet përgjatë vijës bregdetare, në kuadër të operacionit “Plazhi i lirë”, me qëllim lirimin e hapësirave publike të zëna pa leje.
Gjatë ndërhyrjes në lagjen nr. 1, në plazhin e Currilave, u konstatuan dhe u liruan dy hapësira publike të zëna në mënyrë të kundërligjshme nga dy shtetas, të cilët kishin vendosur çadra dhe shezlongë pa autorizim. Policia sekuestroi gjithsej 27 komplete plazhi.
Në vijim të veprimeve, janë proceduar penalisht në gjendje të lirë shtetasit S. H., 45 vjeç, dhe E. Sh., 33 vjeç, të dy banues në Durrës.
Policia e Durrësit deklaron se kontrollet do të vijojnë gjatë gjithë sezonit veror për të garantuar përdorimin e lirë të hapësirave publike nga pushuesit dhe për të ndëshkuar çdo aktivitet të paligjshëm në bregdet.
