Fax News ka siguruar dëshminë e burrit vrasës, Çlirim Shaholli i cili ka rrëfyer në polici të gjithë dinamikën e krimit të kryer prej tij. Ai mësohet të jetë shprehur:
“Kur shkova në shtëpi gruaja nuk kishte gatuar asgjë. Më tha që isha te nëna ime se ishte pa qef, por u acarova dhe nuk e përmbajta dot veten.
E godita me çfarë gjeta rrotull, por jo për ta vrarë. Ajo kishte qenë si cdo ditë në punë dhe pas punës kishte qëndruar kë prindërit e saj, nuk kishte ardhur direkt në shtëpi për të gatuar“.
Vrasja e Ardiana Shahollit mbrëmjen e shkuar ka tronditur qytetin e Durrësit .
Ardiana 40 vjeçe, nënë e 6 fëmijëve, u vra nga bashkëshorti i saj, Çlirim Shaholli 42 vjeç.
Mes varfërisë dhe skamjes, Ardiana ndërroi jetë pas plagëve të shumta që kishte marrë në pjesën e kokës si pasojë e goditjeve të të shoqit.
Discussion about this post