Qyteti i Durrësit prej disa kohësh vuan në furnizimin normal me ujë të pijshëm. Burime nga UKD, bëjnë të ditur se do të ketë ndërprerje edhe për dy ditë në vijim, për shkak të defekteve në rrjetin e furnizimit me ujë.
Njoftimi i UKD-së: Ujësjellës Kanalizime Durrës njofton qytetarët se për shkak të disa difekteve të rënda, gjatë ditës së sotme dhe të nesërme, do të ketë probleme në furnizimin me ujë të pijshëm. Shkak është stakimi i energjisë elektrike në stacionin e pompave në Fushë Kuqe.
Kjo ndërprerje ka shkatuar dy çarje të tubacionit kryesor që furnizon me ujë Durrësin dhe Shijakun. Gjithashtu nga amortizimi i rrjetit, tubacioni kryesor ka pesuar carje edhe ne Xhafzotaj dhe Shkafanë. Brigada e avarive po punon për riparimin në një kohë sa më të shpejtë të 4 defekteve në fjalë.
UKD kërkon mirëkuptimin e qytetarëve për këtë situatë që të bëjnë durim deri në normalizimin e furnizimit me ujë”, thuhet në njoftimin e shpërdarë për median nga ujësjellësi përgjatë ditës së sotme.
(E.K/FAXWEB.AL)
Discussion about this post