Reshjet e dëborës në Durrës u rikthyen pas shtatë vitesh, por kjo ka sjellë pasoja tek banorët e këtij qyteti, të cilët të pamësuar me një mot të tillë kanë pësuar fraktura të ndryshme duke ecur në rrugë.
Sipas raportimeve, gati 400 persona në ditë, kryesisht mosha e mesme dhe pensionistët po dynden në urgjencën e spitalit rajonal të Durrësit.
Shefi i Urgjencës i këtij spitali, Ashim Zogu, deklaroi se para një dite edhe një mjek theu dorën në derë të spitalit, pasi rrëshqiti nga akulli.
Mjekët i bëjnë thirrje bashkisë që të pastrojë trotuaret nga ngricat dhe akulli, pasi kjo situatë është tejet e rrezikshme për qytetarët. Sakaq, ata këshillojnë qytetarët të tregohen të kujdesshëm me gripin dhe mos ta neglizhojnë. (D.D/Shuplaka)
