Burime për Fax news bëjnë me dije se nesër kuvendi do të ketë seancë të jashtëzakonshme për dekretimin e Marsida Xhaferllarit nga ana e presidentit si anëtare e Gjykatës Kushtetuese.
Burime nga socialistët thonë se është e papranueshme ajo çfarë bëri presidenti, por ama nuk kanë ende një koment për shkeljen e Kushtetutës që bëri Arta Vorpsi, kur zgjodhi të betohej te një notere rastësore, dhe jo në zyrën e kreut të shtetit.
Ndërkohë nga ora 13:00 do të mblidhet konferenca e kryetarëve për të vendosur modalitet e seancës.
Ka një përplasje të fortë për një prej vendeve vakante në Kushtetuese, ku KED në shkelje të Kushtetutës ka emëruar Vorpsin, dhe nga ana tjetër presidenti ka dekretuar Marisda Xhaferllarin, e cila nuk ishte fare pjesë e listave të paraqitura në presidencë.
Në argumentimin ligjor që i kishte bërë dekretimin të Xhaferllarit, Meta kishte deklaruar se ajo ishte diskriminuar në KED, pasi qëllimisht dy anëtarë të saj e kishin vlerësuar me zero pikë, në mënyrë që të mos përfshihej në listat që do ti dërgoheshin më pas Kuvendit dhe institucionit të presidencës.
(E.K/Faxweb.al)
Discussion about this post