Silva Gunbardhi është një nga këngëtaret më të dashura për publikun, po duhet thënë dhe shumë e përfolur në media. Deklarata e saj bërë pak kohë më parë për gjendjen e vështirë ekonomike është pasuar nga komente të shumta sa herë që ajo bën ndonjë reagim në media.
Së fundi ajo ka folur dhe për akuzat e blerjes së klikimeve të një prej këngëve të saj më të dëgjuara ‘’të ka lali shpirt, të ka lali xhan”.
E ftuar në emisionin ‘’Chic” ajo është shprehur: Të kisha blerë do i kisha të gjitha me 300 mln klikime. Në fillim se shijova dot suksesin, për shkak të shkrimeve në media se kisha blerë klikime”.
Në lidhje me projektet e ardhshme ajo tha se po ecin ngadalë pasi dhe tregu nuk është më si më parë. “Po ecin, avash-avash por po ecin. Nuk është tregu si më parë, tani dalin 30 këngë në ditë”, tha këngëtarja.
Gunbardhi foli edhe për bashkëpunimin me bashkëshortit. “Unë kam stres në çdo këngë. Dafi është më kërkues”, u shpreh ajo.
Ndërsa për sa i përket djalit Gunbardhi tha se momentet me të janë më të bukurat. “Djali është kënga më e bukur e jetës sime. Unë nuk fle shumë dhe djali më ngjan mua dhe ai është shumë i gëzuar kur më ka pranë. Djali është i dashuruar me këngën ‘Digje zemrën’. Sapo e heq atë fillon e qan. Nuk i pëlqejnë të tjerat aq, vetëm ajo”, tha Silva.
E pyetur nëse ka pasur ndonjë mik apo koleg që e ka zhgënjyer, këngëtarja disi me shaka u shpreh: “Unë kam një mikeshën tim që i them bjeri vazhdo”.
Nëse ka ndërmend një vëlla ose motër për djalin, Silva tha se projekti i radhës do jetë muzikor. Shumë hapur, këngëtarja tha se po të mos ishte për punën dhe linjat fizike do i kishte bërë 10 fëmijë.
“Projekti i radhës është muzikor. Më shqetëson puna shumë dhe linja. Se po të mos ishte për këto të dyja do i kisha rreshtuar nja 10”, tha Silva.
(E.K/SHUPLAKA)
Discussion about this post