Dy aksidente të rënda në zonën e Fushë-Krujës, i moshuari goditet nga trajleri, në gjendje kritike për jetën

Dy aksidente kanë ndodhur ditën e sotme në zonën e Fushë-Krujës. Aksidenti i parë ka ndodhur në orët e para të mëngjesit në aksin rrugor Fushë-Krujë-Vorë. Një furgon mallrash është përplasur me një makinë tip Audi. Sipas Policisë shkak i aksidentit ishte për faktin se furgoni i mallrave i ka prerë rrugën. Ky aksident ka sjellë edhe bllokimin e trafikut pasi për rreth 30 minuta është ndërprerë qarkullimi i makinave.

Pak orë më vonë në autostradën Fushë-Krujë-Milot një makinë që po transportonte çimento ka përplasur një këmbësor duke i shkaktuar dëmtime të shumta në trup. Trajleri që vinte nga Kosova e ka përplasur të moshuarin në fshatin Derven dhe dyshohet se ishte me shpejtësi. I plagosuri është dërguar në Spitalin e Tramuës dhe ndodhet në gjendje kritike për jetën. (J.V/Shuplaka)