Në orët e vona të mbrëmjes së djeshme ka ndodhur një tjetër aksident në autostradën Tiranë-Durrës, ku mësohet se një mjet tip Benz-190 me drejtues shtetasin Xh.B., 55 vjeç është përplasur me një mjet tip Opel Aquila me drejtues shtetasin K.H., 50 vjeç.
Nga ky aksident janë lënduar drejtuesit e mjeteve dhe shtetasit D.M, 27 vjeç, M.H, 31 vjeç, E.H.12 vjeç dhe K.H.4 vjeç, të cilët janë transportuar në spitalin Ushtarak ku ndodhen nën kujdesin e mjekëve.
DETAJE:
Më datë 10.07.2017, në numrin e Emergjencave 112, ka ardhur një telefonatë për përplasje mjetesh në autostradën Tiranë – Durrës. Menjëherë janë dërguar në vendin e ngjarjes shërbimet e policisë të cilat kanë konstatuar se është përplasur mjeti tip Benz-190 me drejtues shtetasin Xh.B., 55 vjeç dhe mjeti tip Opel Aquila me drejtues shtetasin K.H., 50 vjeç. Nga përplasja e mjeteve janë dëmtuar drejtuesit e mjeteve dhe shtetasit D.M, 27 vjeç, M.H, 31 vjeç, E.H.12 vjeç dhe K.H.4 vjeç, të cilët janë transportuar në spitalin Ushtarak ku ndodhen nën kujdesin e mjekëve. Grupi hetimor po kryen veprimet për sqarimin e rrethanave dhe shkakut të aksidentit.
