“Dy dekada pasi e çliruam e kemi në grup”, gazetari anglez me postim të bukur për Kosovën

Shorti i hedhur ditën e sotme për kualifikueset ‘Euro 2020’ në Dublin, i rezervoi Kosovës Grupin A. Dardanët në këtë grup kanqë edhe kombëtaren e Anglisë me të cilën do të përballen. Pas këtij lajmi, reagime të shumta kanë pasuar në rrjetet sociale. Mes tyre ka reaguar dhe gazetari i sportit në AP, Rob Harris, i cili pas shortit postoi në Twitter:

“Kosova në grup me Anglinë në kualifikimet për Euro 2020 – dy dekada pasi Britania luajti rol kyç në luftën ndaj Serbisë, duke detyruar Beogradin të tërhiqet nga Kosova. Grupi A: Angli, Çeki, Bullgari, Mali i Zi, Kosovë”. Ndeshjet e këtij grupi do të fillojnë në mars të vitit të ardhshëm.

Kosovo in England’s qualifying group for Euro 2020 – two decades after Britain played a key role in the war on Serbia to forced Belgrade to pull out of Kosovo.

Group A: England, Czech Republic, Bulgaria, Montenegro, Kosovo.

— Rob Harris (@RobHarris) December 2, 2018

(B.H/Faxweb)